第一次帶盒買外賣

據環保團體調查，全港5家主要快餐店，每月消耗27,000,000件一次性餐具(即每日90萬件)，包括木筷子、紙巾及杯子等.........

我一向都唔鍾意即棄餐具,但講到買外賣,由於方便,都會用個外賣盒同拎佢d餐具.

今日，終於我"的"起心肝自己帶個盒去買外賣!!

由於係第一次，有好多考慮:

1/會唔會唔夠裝呢?

2/碗湯會唔會倒瀉呢?

3/店員會有咩反應呢?

於是我帶定2個飯盒+1個湯盒+1個舊膠袋+1個環保袋度就出發了!

去到買外賣,由於係小店,間舖唔太多人,我同叔叔講自己拎左盒,佢有d揂疑,拎住我個湯碗,我問"我個盒夠大嗎?"答:"有多la."

食完飯,要洗野,可能係最煩之處....事緣我帶的係膠盒，容易上色,所以要大力捶,當個盒的色差不多冇曬的時候,海綿就變左紅色了!哈哈!

做完一大輪野,我發現我用多左:

1) 時間 - 用左大半個小時找合適的食具,環保袋同洗野.

2) 資源 - 用多左水沖,因為仲有好多色.

但係地球先生用少左:

1)時間 - 用少2,000,000年時間去消化2個發泡膠盒+用少幾十年時間消化的1個新膠袋!!

2)資源 - 用少左石油,電(包括生產時用的機器,燈,冷氣等),運輸的汽油,同埋水

          (我相信製造過程用的水係更多!)

咁樣計落,雖然係方便自己,但係影響左成個地球的資源,似乎唔太值…

最好的做法,當然係堂食la!XP

 P.S. 即棄餐具原來一d都唔衛生?下次再分享!